ඇලෝසියස් හා පළිසේනට ප්‍රභූ සිරමැදිරියක්

පර්පෙචුවල් ට්‍රෙෂරීස් අධ්‍යක්‍ෂ අර්ජුන් ඇලෝසියස් සහ එහි ප්‍රධාන විධායක නිලධාරී කසුන් පළිසේන ඊයේ (05දා) සවස කොළඹ නව මැගසින් බන්ධනාගාරයේ ඊ කොටසේ විශේෂ ආරක්ෂාවක් සමග විශේෂ ප්‍රභූ සිර මැදිරියකට යොමුකළ බව බන්ධනාගාර මූලස්ථානය පවසයි.

බන්ධනාගාර මාධ්‍ය ප්‍රකාශකවරයාට අනුව 1970 දශකයේ හිටපු ජනාධිපති මහින්ද රාජපක්‍ෂවද සිරගත කර ඇත්තේද මෙම කුටියේ බවයි.

එසේම කලින් කලට පාර්ලිමේන්තු මන්ත්‍රී නාමල් රාජපක්‍ෂ, හිටපු දේශපාලකයන් සහ ඉහළ නිලතල දරන රජයේ නිලධාරීන් මෙම කුටියේ රඳවා තැබූ බවත්, මෙම කුටියට කිසිදු පිටස්තර සිරකරුවෙකුට පැමිණීමට නොහැකි ලෙස විශේෂ ආරක්‍ෂාවක් සපයා තිබෙන බවත් හෙතෙම පවසා සිටියේය.

නමුත් බන්ධනාගාර ජනරාල් නිශාන්ත ධනසිංහ පැවසුවේ එලෙස කිසිදු විශේෂ වරප්‍රසාදයක් හෝ පහසුකමක් මෙම ඊ කොටසේ කුටියට නොලැබෙන බවත්, කිසිවකුටත් මෙම ප්‍රදේශයට ඇතුළු වීමට නොහැකි බවත්ය.
Share on Google Plus