ජනපති ප්‍රකාශයට ප්‍රතිචාර බෑ - අගමැති රනිල්/ නියෝග නොතකා කබිර්ගෙන් හැරෙන තැපෑලෙන් සැර පිළිතුරක් (video)



පූජ්‍ය මාඳුළුවාවේ  සෝභිත හිමියන්ගේ  75 වැනි ඡන්ම දින සැමරුම් උත්සවයට සහභාගී වෙමින් ජනාධිපති මෛත්‍රීපාල සිරිසේන සිදුකළ අදහස් දැක්වීමවලට කුමනාකාරයකින්වත් ප්‍රතිචාර දැක්වීමෙන් වැළකී සිටින්නැයි අග්‍රාමාත්‍ය  රනිල් වික්‍රමසිංහ විසින්  එක්සත් ජාතික පක්ෂ නායකයින්ට   නියෝගකර ඇති බව වාර්තා වෙයි. 
අද (31) පැවති එක්සත් ජාතික පක්ෂ කෘත්‍යාධිකාරී මණ්ඩල හමුවේදී අග්‍රාමාත්‍යවරයා මෙම නියෝගය සිදුකර ඇති අතර එක්සත් ජාතික පක්ෂ දේශපාලන නායකයින් කළ යුත්තේ ජනාධිපතිවරයාට ප්‍රතිචාර දැක්වීම නොව ජනතා ප්‍රතිචාර අනුව වැඩ කිරීම යැයිද අග්‍රාමාත්‍යවරයා  එහිදී සඳහන් කළ බවද වාර්තා වෙයි.
මාඳුළුවාවේ සෝභිත නාහිමි ගුණ සමරුවට සහභාගී වෙමින් ජනාධිපතිවරයා  පළ කළ කරුණු සම්බන්ධයෙන් රටට කරුණු කිව යුතු බවට එක්සත් ජාතික පක්ෂ කෘත්‍යාධිකාරී  මණ්ඩලයේදී තරුණ දේශපාලනඥයින්  ප්‍රබල ඉල්ලීමක් අගමැතිවරයාට  යොමුකර ඇති අතර ඊට  සාවදානව සවන් දුන්  අග්‍රාමාත්‍යවරයා මෙම නියෝගය නිකුත්කර ඇත.


කබිර්ගෙන් වෙනස් මතයක් 


පසුගිය ජනාධිපතිවරණයේදී ඉදිරිපත් කරනු ලැබූ ‘දින 100’ වැඩ සටහන සම්බන්ධයෙන් වගකීම එක්සත් ජාතික පක්ෂය විසින් බාර ගන්නා බව එම පක්‍ෂ සභාපති ඇමති කබීර් හෂීම් මහතා සදහන් කරයි.
ඔහු මෙසේ කියා සිටියේ සිරිකොතේදී පැවති එම පක්‍ෂ කෘත්‍යාධිකාරී මණ්ඩල රැස්වීමෙන් පසු මාධ්‍යයට අදහස් දක්වමිනි.
එම දින 100 වැඩ සටහන නිසා ජනතාවට විශාල යහපතක් වූ බවත් රටේ ප්‍රජාතන්ත්‍රවාදය ශක්තිමත් වූ බවත් ඇමතිවරයා කීය.
එම වැඩපිලිවෙලේ නොසිටි බව කිසිවෙකු කියන්නේ නම් ඒ ගැන එයාගෙන් අසාගන්නැයිද ඇමතිවරයා එහිදී සදහන් කලේය.
ජනාධිපතිවරයාගේ ප‍්‍රතාශය සම්බන්දයෙන් ප‍්‍රතිචාර නොදක්වන ලෙස අගමැති රනිල් වික‍්‍රමසිංහ මහතා විසින් කෘත්‍යාධිකාරී මණ්ඩලයේදී උපදෙස් දී තිබූ තත්වයක් තුල පක්‍ෂ සභාබතිවරයා විසින් මෙම අදහස් දැක්වීම සිදු කරනු ලැබීය.



Share on Google Plus