තිස්ස අත්තනායක නැවතත් එජාපයටම



විවිධ හේතූන් මත පක්ෂය අතහැර ගිය ඕනෑම කෙනෙකුට නැවත පක්ෂය සමග එක්විය හැකි බව එක්සත් ජාතික පක්ෂයේ මහලේකම් අමාත්‍ය අකිල විරාජ් කාරියවසම් පවසයි. 

ඒ සඳහා ඔවුන් සියලු දෙනාටම විවෘත ආරාධනාවක් කරන බව ද අමාත්‍යවරයා ප්‍රකාශ කරයි.

සියලු දෙනාගේ එකමුතුවෙන් පක්ෂය තවදුරටත් ශක්තිමත් කිරීම තම අපේක්ෂාව බව අමාත්‍යවරයා අවධාරණය කළේය.

හිටපු මහලේකම් තිස්ස අත්තනායක මහතාට ද මෙම ආරාධනය වලංගු බව අමාත්‍ය අකිල විරාජ් මෙහිදී පැවසීය.

මේ අතර, අග්‍රාමාත්‍ය රනිල් වික්‍රමසිංහ මහතා සහභාගී වූ නුගේගොඩ නාලන්දාරාමයේ පැවති උත්සවයකට තිස්ස අත්තනායක මහතා ද සහභාගී වී සිටින ආකාරය පසුගියදා (02) දැකගත හැකිවිය.

Share on Google Plus