ශ්‍රේෂ්ඨාධිකරණ තීන්දුවෙන් පසු පාර්ලිමේන්තුව කැඳවයි

ශ්‍රී ලංකා පාර්ලිමේන්තුව බදාදා උදෑසන 10 ට කැඳවන බව කතානායක මාධ්‍ය අංශය නිවේදනය කළේය.
කතානායකවරයා විසින් එම තීන්දුව ගනු ලැබ තිබෙන්නේ පාර්ලිමේන්තුව විසුරුවා හරිමින් ජනාධිපති මෛත්‍රීපාල සිරිසේන විසින් නිකුත්කරන ලද ගැසට් නිවේදනය අත්හිටුවමින් ශ්‍රේෂ්ඨාධිකරණය අතුරු නියෝගයක් නිකුත් කිරීමෙන් අනතුරුවය.
කථානායක මාධ්‍ය ඒකකය නිවේදනයක් නිකුත් කරමින් පැවසුවේ, ජනාධිපතිතුමා 2018 නොවැම්බර් මස 04 වැනි දින අංක 2095/50 දරණ ගැසට් නිවෙදනය ප්‍රකාරව පාර්ලිමේන්තුව හෙට රැස් කිරීමට කථානායකවරයා දැනුම් දෙන බව ය.
ඒ සඳහා සහභාගී වන ලෙස පාර්ලිමේන්තුවේ සියලු මන්ත්‍රීවරුන්ට කථානායකවරයා දැනුම් දෙන බව ද අදාළ නිවේදනයේ සඳහන් ය.
එම තීන්දුවෙන් අනතුරුව පාර්ලිමේන්තුව යළි කැඳවීම සම්බන්ධයෙන් කතානායක කරු ජයසූරිය නීති උපදෙස් ලබාගෙන තිබේ.

ජනාධිපතිවරයා විසින් පාර්ලිමේන්තුව විසුරුවා හරිනු ලැබීමට ප්‍රථම පාර්ලිමේන්තුව නොවැම්බර් 14 වෙනි දින යළි කැඳවන බවට ගැසට් නිවේදනයක් නිකුත්කර තිබුණි.

Powered by Blogger.